Ռուսաստանցի ռելոկանտները սադրանքներ են նախապատրաստում արտասահմանում. ՌԴ ԱԳՆ

Ռուս ռելոկանտները պատրաստվում են արտասահմանում ՌԴ նախագահական ընտրությունների նախաշեմին տարբեր տեսակի սադրանքներ իրականացնել։ Այս մասին հայտարարել է ՌԴ ԱԳՆ հատուկ հանձնարարությունների գծով դեսպան Գենադի Ասկալդովիչը Ռուսաստանի Կենտրոնական ընտրական հանձնաժողովում կայացած հանդիպմանը, որը նվիրված էր 2024 թվականին Ռուսաստանի Դաշնության նախագահական ընտրությունների նախապատրաստմանը, գրում է ՏԱՍՍ-ը։

«Մեզ համար լուրջ խնդիր է, այսպես կոչված, ռելոկանտների գործունեությունը, հատկապես նրանք, ովքեր բացասաբար են վերաբերվում գործող նախագահին Վլադիմիր Պուտինին։ Բոլոր ռելոկանտները հաստատ մեր թշնամիները չեն։ Նրանցից շատերը հիմնականում ապաքաղաքական են և արդեն վերադարձել են իրենց հայրենիք, իսկ մնացածները չափազանց ռուսաֆոբ դիրքեր են զբաղեցնում և, որքան գիտենք, պատրաստվում են տարբեր տեսակի սադրանքներ իրականացնել ընտրությունների նախօրեին և դրա ընթացքում»,- ասել է նա։

Դիվանագետը նաև նշել է, որ ռելոկանտների ագրեսիվ վերաբերմունքն ակտիվացել է այն բանից հետո, երբ «նախագահի թեկնածու Բորիս]Նադեժդինի գրանցումը մերժվել է»։ «Մենք մեծ տեղեկատվական աշխատանք ենք տանում հայրենասեր քաղաքացիների շրջանում՝ հնարավորության դեպքում խնդրելով նրանց օգնությունը ռելոկանտների ծայրահեղական բողոքի ակցիաները կանխելու համար», - ավելացրել է Ասկալդովիչը:

ՌԴ նախագահական ընտրությունները նշանակված են մարտի 17-ին։ Քվեարկությունը կլինի մարտի 15-ին, 16-ին և 17-ին։ Սա կլինի ռուսական պետության ղեկավարի առաջին եռօրյա ընտրությունը։