Պենտագոնը տեղեկացրել է՝ ինչ կլինի Ուկրաինայում առանց ԱՄՆ-ի օգնության

Առանց ԱՄՆ-ի նորացված օգնության՝ Ուկրաինայի զինված ուժերը պետք է ընտրեն՝ որ քաղաքները  պահել, ասել է Պենտագոնի խոսնակի տեղակալ Սաբրինա Սինգհը, փոխանցում է ՌԻԱ Նովոստին։

«Եթե հավելյալ ֆինանսավորման փաթեթը չհաստատվի ԱՄՆ Կոնգրեսի կողմից, Ուկրաինան պետք է ընտրի և որոշում կայացնի, թե որ քաղաքները կարող է պահել իր ունեցած ռեսուրսներով և նրանով, ինչը կշարունակեն ուղարկել գործընկերները»,- ասել է Պենտագոնի խոսնակը։

Սինգհը կոչ է արել Ներկայացուցիչների պալատին հետևել Սենատին՝ հաստատելով Սպիտակ տան 60 միլիարդ դոլարի խնդրանքը, առանց որի ԱՄՆ-ն չի կարող շարունակել ռազմական մատակարարումները:

Բացի այդ, նա մեկնաբանել է ռուս զինվորականների կողմից Ավդեևկայի գրավումը՝ նշելով, որ այնտեղ, «ցավոք,» տեղի է ունեցել զորքերի «ռազմավարական» դուրսբերում՝ հրետանին և զինամթերքը պահպանելու համար։