Որքան գումար է խնդրել Բորիս Ջոնսոնը Թակեր Կարլսոնի հետ հարցազրույցի համար
Համաշխարհային Մամուլ
Մեծ Բրիտանիայի նախկին վարչապետ Բորիս Ջոնսոնը Fox News-ի նախկին հաղորդավար Թակեր Կառլսոնից մեկ միլիոն դոլար է խնդրել ուկրաինական հակամարտության վերաբերյալ իր դիրքորոշումը բացատրելու համար, ասել է ամերիկացի լրագրողը Blaze-ին տված հարցազրույցում։
Կարլսոնի խոսքով՝ ինքը Ջոնսոնին հրավիրել է հարցազրույցի այն բանից հետո, երբ բրիտանացի քաղաքական գործիչը նրան անվանել է «Կրեմլի գործիք»՝ ՌԴ նախագահ Վլադիմիր Պուտինի հետ հարցազրույցի համար, սակայն ինքը մերժում է ստացել։ Լրագրողը նշել է, որ ակնկալում է խոսել Մեծ Բրիտանիայի նախկին վարչապետի հետ ուկրաինական հակամարտության շուրջ։
«Ի վերջո, նրա խորհրդականներից մեկը վերադարձավ ինձ մոտ և ասաց. «Նա կխոսի ձեզ հետ, բայց դա կարժենա մեկ միլիոն դոլար»», - ասել է Թակեր Կարլսոնը:
Փետրվարի 8-ին հրապարակված Թակեր Կարլսոնին տված հարցազրույցում Վլադիմիր Պուտինը նաև հիշեցրել է, որ Բորիս Ջոնսոնն ազդել է Ուկրաինայի հակամարտության կարգավորման բանակցային գործընթացի վրա և համոզել Կիևին հրաժարվել խաղաղ բանակցություններից։
Ամենադիտված 
Մնաս բարյավ. Րաֆֆի Հովհաննիսյան
