Նախագահը հրաժարվեց ընդունել բնապահպաններին. նա զբաղված էր (Տեսաշար)

Այսօր Հայաստանի երիտասարդ բնափահպանները ՀՀ կառավարության շենքի դիմաց հզոր բողոքի ցույց անցկացրին։

Ցույցին ներկա մոտ 300 մարդիկ կառավարությունից պահանջում էին անվավեր ճանաչել 627 համարի որոշումը, համաձայն որի` Քաջարան, Սյունիք, Արծվանիկ, Սևաքար, Աճանան, Չափնի և Սյունիք գյուղերի 608 հեկտար հողերը «բացառիկ գերակա հանրային շահ» անվան տակ հանձնվում են Զանգեզուրի պղնձամոլիբդենային կոմբինատին` վարձակալության իրավունքով։ Որոշման պատճառով Քաջարանցի բնակիչներին ստիպում են հեռանալ իրենց տներից։

Այսօրվա ցույցին ներկա էր նաև Քաջարան գյուղի գյուղպետ Ռաֆիկ Աթայանը, ով ևս մեկ անգամ, ողջ գյուղի անունից հայտնեց, որ իրենց չեն լքի իրենց տները, ինչ փոխհատուցման մասին էլ խոսքը գնա, և պատրաստ են պաշտպանելու իրենց հողը նույնիսկ արյան գնով։

Վերոհիշյալ պահանջը պարունակող նամակը հանձնվեց ՀՀ կառավարությանը՝ կից փաստաթղթերով։ Ապա բնապահպան ակտիվիստները՝ կառավարության շենքի դիմացից շարժվեցին ՀՀ նախագահի նստավայր՝ նաև նախագահին ներկայացնելու իրենց նամակը՝ երկրի բնապահպանական իրավիճակի վերաբերյալ մտահոգություններով:

Նախագահին հանդիպելու բնապահպանների պահանջը մերժվեց՝ պատճառաբանելով, որ նախագահն զբաղված է։

ԱԺ «Ժառանգություն» կուսակցության պատգամավոր Զարուհի Փոստանջյանը, ներկայացնելով նախագահականից տրված պատասխանը, ասաց, որ եթե նախագահը ժամանակ ունի ընդունելու գործարարներին, որոնք հայտարարում են, որ ոչ միայն չեն դադարեցնելու հանքի շահագործումը, այլև ավելացնելու են խտանյութի արտահանման ծավալները, ապա իրենք եկել են ասելու, որ ոչ միայն թույլ չեն տալու դա, այլև հետապնդելու են ցանկացած անձի, ով նման հարտարարություններ կանի.