ԵՄ անկեղծացումը. Արևմուտքը հետաքրքրված չէ Երևանի հետ վիզային ռեժիմի ազատականացման մեջ

Երեկ կայացած մամուլի ասուլիսի ժամանակ  Հայաստանում ԵՄ պատվիրակության ղեկավար Վասիլիս Մարագոսն ուշագրավ հայտարարություն է արել՝ նշելով, որ ԵՄ-ն հաստատակամորեն նվիրված է վիզաների ազատականացման հարցին հետամուտ լինելու եւ ԵՄ-ում հասկանում են, որ գերակա եւ հրատապ խնդիր է վիզաների ազատականացումը Հայաստանի համար: «Նոր գործընկերության օրակարգի շուրջ Հայաստանի ԱԳ նախարար Արարատ Միրզոյանը եւ ԵՄ բարձր ներկայացուցիչ Բորելը մեկնարկեցին նոր նախաձեռնություն այդ օրակարգը առաջ մղելու համար: Այս ուղղությամբ աշխատանքը շարունակվելու է, մենք պետք է  երաշխավորենք, որ ԵՄ բոլոր անդամ երկրները համակարծիք են այս խնդրի վերաբերյալ: Մեր ջանքերը շարունակվելու են այդ ուղղությամբ»,-ասել է նա:

Չնայած ԵՄ բարձրաստիճան պաշտոնյաները չեն հստակեցնում, թե երբ կարող են սկսվել վիզաների ազատականացման շուրջ բանակցությունները, որոնց նախապատրաստական փուլում տևական ժամանակ է՝ գտնվում են Հայաստանն ու ԵՄ-ն, բայց հայկական կողմը կարծում է, որ կարևոր քայլն արված է՝ Եվրամիության անդամ երկրների մոտ կա կոնսենսուս: Ավելին՝ Նիկոլ Փաշինյանը և նրա թիմակիցները փորձում են հանրության մոտ տպավորություն ստեղծել, որ ԵՄ–ի հետ վիզաների ազատականացմանը հարցը մոտակա ժամանակներս լուծվող հարց է և Հայաստանի քաղաքացիները կկարողանան առանց խոչընդոտների այցելել ԵՄ երկրներ: Ինչպես տեսնում ենք, ԵՄ դեսպանը ցրում է այդ տարածվող միֆը: Ուշագրավ է, որ վերջինս իր հայտարարության մեջ շեշտում է, որ նշված գործընթացը կարևոր է Հայաստանի համար՝ դրանով իսկ ցույց տալով, որ ԵՄ–ի համար Հայաստանի հետ վիզաների ազատականացման հարցը երկրորդական, եթե չասենք՝ տասներորդական նշանակություն ունեցող հարց է: Դեսպանը նաև ցրում է այն տարածվող կարծիքը, որ հայերը մոտ ապագայում կկարողանան առանց խոչընդոտների այցելել Եվրոմիության երկրներ, նա ընդգծել է նաև այն հանգամանքը, որ այս պահին խոսք է գնում ընդամենը վիզային ռեժիմի լիբերալիզացիայի շուրջ քննարկումների մեկնարկի մասին, իսկ դա նշանակում է, որ առավելագույնը, ինչի հույսը կարող են ունենալ ՀՀ քաղաքացիները, վիզաների էժանացումն է:

Այս թեմայով Փաշինյանը ՌԴ-Արևմուտք «սեքսի ծնունդ» է, նա աշխարհաքաղաքական կոնսենսուսի արդյունք է, հարմար է բոլորին. Զոհրաբյան (տեսանյութ) Հայաստանի քաղաքական վեկտորը գնալով թեքվում է դեպի Արևմուտք. ՌԴ փոխվարչապետ Աննախադեպ ռեպրեսիաների քարտ-բլանշ Արևմուտքից՝ Նիկոլ Փաշինյանին Բոլթոն-Փաշինյան-Մուր ծրագիրն՝ ընդդեմ Իրանի Արևմուտքի՝ նոր պատերազմի քարտ-բլանշը Բաքվին