Արևմուտքը Բելառուսի դեմ պատերազմի է պատրաստվում. ՊՆ ղեկավար

Արևմուտքը պատրաստվում է ռազմական գործողությունների Բելառուսի Հանրապետության դեմ։ Այս մասին հայտարարել է երկրի պաշտպանության նախարար Վիկտոր Խրենինը։

«Այսօր մենք տեսնում ենք մի շարք նախօրոք արվող միջոցառումներ, որոնք Արևմտյան Եվրոպան՝ Միացյալ Նահանգների գլխավորությամբ, իրականացնում է ռազմական գործողություններին նախապատրաստվելու համար: Մենք հասկանում ենք, թե ում դեմ են ուղղված լինելու այդ ռազմական գործողությունները։ Բելառուսի դեմ անընդհատ հետախուզություն է իրականացվում»,- ասել է Վիկտոր Խրենինը «Ռոսիա 24» հեռուստաալիքին տված հարցազրույցում։

Նա հավելել է, որ Բելառուսը իր ընդհանուր տարածքի նկատմամբ տեսնում է Արևմուտքի հետաքրքրությունը։ Օտարերկրացիներին հատկապես հետաքրքրում են հանրապետությունում տեղակայված ռազմակայանները, հավելել է Խրենինը։

Ընթացիկ տարվա փետրվարին Բելառուսն ուժեղացրել է անվտանգությունն Ուկրաինայի հետ իր հարավային սահմանին։ Երկրի նախագահ Ալեքսանդր Լուկաշենկոն վերջերս խոսել է սահմանին ուկրաինացի դիվերսանտների գործողությունների մասին։

Ինչպես հայտնի է, Ռուսաստանն ու Բելառուսը ռազմական ոլորտում համագործակցում են միմյանց հետ։