ՔՊ-ական պաշտոնյաների կասկածելի որոշումները՝ խոշորացույցի տակ. Դիանա Գասպարյան

Ձեր ուշադրությանն ենք ներկայացնում կասկածելի որոշումներով աչքի ընկած պաշտոնյաներին և այսօր կանդրադառնանք Էջմիածնի համայնքապետ Դիանա Գասպարյանին:

ԽԾԲ-ի դեմ պայքար հայտարարած քաղաքապետը, ով պետք է վերացներ նման բարքերը, համայնքից որոշում է կայացնում, որով 306240 դրամով հողամաս է վաճառվել մի քաղաքացու, ով գրանցված է այն նույն հասցեում, ինչ 2012-ին Էջմիածնի ավագանու անդամ հանդիսացող անձը:

Էլ ավելի հետաքրքիր փաստեր են ի հայտ գալիս, երբ ավելի խորն ենք փորում: Դավիթ Կոնդյանի հետ նույն հասցեում է գրանցված քաղաքացի Գոհար Ինջիղուլյանը, իսկ բուժաշխատողների համար նախատեսված կեքսերը, ինչպես գիտենք, գնվել են Սուսաննա Ինջիղուլյանից: Բացի այդ, 240 հազար դրամ էլ հատկացվել է տորթերի և ձեռք են բերվել դրանք նույնպես Սուսաննա Ինջիղուլյանից:

Քաղաքապետի մեկ այլ որոշմամբ գազալցակայան կառուցելու թույլտվություն է տրվել Աշոտ Միրզոյան ԱՁ-ին: 

Ուշագրավն այն է, որ 2020-ին Էջմիածնի ավագանու անդամ էր Միրզոյան Արամայիս Աշոտը:

Ոչ պակաս հետաքրքիր են քաղաքապետի մեկ անձից կատարված գնումները: Դիցուք՝ համայնքապետարանը բավական կլոր գումարի գրենական պիտույքներ է ձեռք բերել մի ՍՊԸ-ից, որը ՊԵԿ օրինախախտների ցանկում է հայտնվել։