Զախարովան մեկնաբանել է Զելենսկիի խոսքերը` Ուկրաինայի կորուստների մասին

ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Ուկրաինայի առաջնորդ Վլադիմիր Զելենսկիի խոսքերը Ուկրաինայի զինված ուժերի՝ 31 հազարանոց կորուստների մասին։ Նրա խոսքերը մեջբերում է «ՌԻԱ Նովոստի»-ն։

Նրա խոսքով՝ Ուկրաինայի քաղաքացիները Զելենսկիի համար «միակն են, ովքեր դեռ կարող են ստանալ արևմտյան փողեր»։

«Կարծում եմ՝ հենց դա է բացատրում այն փաստը, որ նա մի քանի անգամ թերագնահատել է կորուստները՝ թողնելով այդքան «մեռած հոգիներ» Ուկրաինայի զինված ուժերի շարքերում, որպեսզի նրանք կարողանան ֆինանսավորվել, ասես՝ նրանք ողջ են», -ասել է նա:

Փետրվարի 25-ին Ուկրաինայի առաջնորդ Վլադիմիր Զելենսկին հայտարարել է, որ Ուկրաինայում Ռուսաստանի հատուկ ռազմական գործողության մեկնարկից ի վեր երկու տարվա ընթացքում 31 հազար ուկրաինացի զինվոր է սպանվել։

Ուկրաինայի նախագահը հրաժարվել է նշել վիրավորների և անհայտ կորածների թիվը՝ պատճառաբանելով, որ այդ կերպ Մոսկվան «կպարզի, թե քանի մարդ է կարողացել դուրս գալ մարտադաշտից»։

Ռուսաստանի պաշտպանության նախարար Սերգեյ Շոյգուն հայտարարել է, որ միայն 2024 թվականի հունվարին Ուկրաինայի զինված ուժերը կորցրել են ավելի քան 23 հազար զինվոր։