«Թավշյա հեղափոխության» իրական շահառուները. Արփի Դավոյան

Իշխանական թիմի ներկայացուցիչները շարունակում են արագորեն հաղթահարել աղքատությունը ոչ միայն իրենց գլուխներում, այլև իրական կյանքում։ Ձեր ուշադրությանն ենք ներկայացնում շարք, որի շրջանակներում կներկայացնենք, թե ինչպես է փոխվել ՔՊ-ականների կյանքը հեղափոխությունից հետո: Այսօր կանդրադառնանք պատգամավոր Արփի Դավոյանին:

2018 թվականին, երբ ստանձնում էր վարչապետի օգնականի պաշտոնը, Արփինե Դավոյանն այդ օրվա դրությամբ հայտարարագրել է հանձնած փոխառությունները՝ 93․581 դրամ, 130․100 դրամ, 170․995 դրամ։ Նրա դրամական միջոցները կազմել են 161,143 դրամ, եկամուտը՝ 576,360 դրամ, որը ստացվել է աշխատավարձից։ 2018 թվականին տարեկան հայտարարագրում նրա դրամական միջոցները զգալի բարձրացել են՝ կազմելով 1,500,000 դրամ, եկամուտը կազմել է 6,613,848 դրամ՝ ստացված աշխատավարձից։

2019 թվականի տարեկան հայտարարագրում, երբ Արփինե Դավոյանն արդեն զբաղեցնում էր ԱԺ պատգամավորի պաշտոնը, հայտարարագրել է՝ 4,346,031 դրամ՝ բանկային հաշվին, 50,000 դրամ՝ կանխիկ, 9,961,761 դրամ եկամուտ՝ Ազգային ժողովից ու կառավարությունից ստացված աշխատավարձերից։

2020 թվականին Արփինե Դավոյանը 25,991,000 դրամի չափով փոխառություն է ստացել, որը հանձնել է «Միկշին» ՍՊԸ-ին։  Բանկային հաշվում նրա դրամական միջոցները կազմել են 2,832,817 դրամ։ Պատգամավորը 400,000 դրամ հայտարարագրել է որպես կանխիկ գումար։

2021 թվականին Արփինե Դավոյանը 2,5 մլն դրամով Hyundai մակնիշի ավտոմեքենա է գնել։ Նրա դրամական միջոցները կազմել են 1,759,287 դրամ՝ բանկային հաշվին, 350,000 դրամ՝ կանխիկ։ Դավոյանի  կամուտները կազմել են 10,272,310 դրամ: Նույն տարում պատգամավորը 25 մլն դրամով բնակարան է գնել նորակառույց շենքում։ Ըստ հայտարարագրի՝ Դավոյանը բնակարան գնելու համար վարկ է վերցրել։

Ի դեպ, ուշագրավ է, որ ունենալով նման եկամուտներ՝ 2023-ին Դավոյանը բնակարանի վարձավճարի փոխհատուցում է ստացել ԱԺ-ից: