Պուտինն ասել է, որ չի հետաձգի իր այցը Թուրքիա․ Էրդողան
Ռուսաստան
Թուրքիայի նախագահ Ռեջեփ Թայիփ Էրդողանը հայտնել է, որ ավելի վաղ հեռախոսազրույցի ժամանակ Ռուսաստանի առաջնորդ Վլադիմիր Պուտինն իրեն ասել է, որ չի հետաձգի իր այցը հանրապետություն։
«Նման այց տեսանելի ապագայում չի քննարկվում, բայց նա (Պուտինը,- նշում է ՏԱՍՍ-ը) ինձ ասաց, որ չի հետաձգի այդ այցը»,- Անկարայում լրագրողներին ասել է Էրդողանը։
«Եվ նա զրույցի ընթացքում ընդգծեց իր գոհունակությունը միջազգային ասպարեզում Թուրքիայի որդեգրած դիրքորոշման կապակցությամբ, ինչպես նաև նշեց, որ ուրախ է, որ մեր հարաբերությունները շարունակում են վճռականորեն զարգանալ»,- հավելել է Էրդողանը։
Պուտինն ու Էրդողանը հեռախոսազրույց են ունեցել երկուշաբթի ավելի վաղ։ Ինչպես հաղորդել է Կրեմլի մամուլի ծառայությունը, ՌԴ նախագահը ջերմորեն շնորհավորել է Թուրքիայի ղեկավարին ծննդյան 70-ամյակի կապակցությամբ։
Ամենադիտված 
Մնաս բարյավ. Րաֆֆի Հովհաննիսյան
