Եթե ՆԱՏՕ-ի զորքերը հայտնվեն Ուկրաինայում, Ռուսաստանի և դաշինքի միջև հակամարտությունն անխուսափելի կլինի․ Պեսկով

Եթե ​​ՆԱՏՕ-ի երկրների զինուժը հայտնվի Ուկրաինայի տարածքում, ապա Ռուսաստանի և դաշինքի միջև հակամարտությունն անխուսափելի կլինի, լրագրողներին ասել է նախագահի մամուլի քարտուղար Դմիտրի Պեսկովը, փոխանցում են միջազգային ԶԼՄ-ները։

«Իրավիճակը նույնկերպ պետք է գնահատեն ՆԱՏՕ-ի անդամ երկրները և իրենք իրենց հարցնեն՝ արդյո՞ք դա համապատասխանում է իրենց շահերին, և ամենակարևորը՝ իրենց երկրների քաղաքացիների շահերին»,- ասել է Պեսկովը։

«Փարիզում տեղի ունեցած այս միջոցառմանը մասնակցող մի շարք երկրներ բավական սթափ գնահատում են նման գործողության պոտենցիալ վտանգները և թեժ հակամարտությունում անմիջական ներգրավվածության հնարավոր վտանգները, որոնք արդեն մարտի դաշտում են»,- ասել է Պեսկովը:

Ինչպես հայտնել ենք, Ֆրանսիայի նախագահ Էմանուել Մակրոնը ավելի վաղ չի բացառել Ուկրաինա ցամաքային զորքեր ուղարկելու հնարավորությունը՝ նրան աջակցելու Ռուսաստանի դեմ պատերազմում։

«Այսօր չկա կոնսենսուս ցամաքային զորքեր ուղարկելու հարցում, բայց ոչինչ չի կարելի բացառել: Մենք ամեն ինչ կանենք, որպեսզի Ռուսաստանը չհաղթի», - ասել է Մակրոնը։