ՆԱՏՕ-ն չի նախատեսում մարտական ստորաբաժանումներ ուղարկել Ուկրաինա. Ստոլտենբերգ
Համաշխարհային Մամուլ
ՆԱՏՕ-ն չի նախատեսում մարտական ստորաբաժանումներ ուղարկել Ուկրաինա, հայտնում է Associated Press-ը՝ վկայակոչելով ՆԱՏՕ-ի գլխավոր քարտուղար Յենս Ստոլտենբերգի հայտարարությունը։
«ՆԱՏՕ-ի դաշնակիցներն աննախադեպ օգնություն են ցուցաբերում Ուկրաինային: Մենք դա անում ենք 2014 թվականից, այնուհետև այն ուժեղացրել ենք: Բայց Ուկրաինայում ՆԱՏՕ-ի մարտական ստորաբաժանումներ տեղակայելու պլաններ չկան», - ասել է նա գործակալությանը:
Նախօրեին Սլովակիայի վարչապետ Ռոբերտ Ֆիկոն Փարիզում ԵՄ առաջնորդների հանդիպումից առաջ ասել էր, որ ՆԱՏՕ-ի մի քանի երկրներ քննարկում են իրենց զինվորներին Ուկրաինա ուղարկելու գաղափարը, սակայն դաշինքի երկրներում ոչ ոք չի խոսում խաղաղության մասին։ Ֆիկոն ընդգծել է, որ Սլովակիան չի ուղարկի իր զինվորներին Ուկրաինա։
Ֆրանսիայի նախագահ Էմանուել Մակրոնը հայտարարել է, որ չպետք է բացառել արեւմտյան երկրներից Ուկրաինա զինվորականներ ուղարկելու հնարավորությունը։ Միաժամանակ, նա ընդգծել է, որ այս պահին եվրոպական երկրների միջև կոնսենսուս չկա այս հարցում։
Չեխիայի վարչապետ Պետր Ֆիալան հայտարարել է, որ իր երկիրը «միանշանակ չի ցանկանում իր զինվորներին ուղարկել Ուկրաինա»:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
