Մեծ Բրիտանիայում գնահատել են Ռուսաստանի հետ պատերազմի հավանականությունը

Լոնդոնը Մոսկվայի հետ «պատերազմի շեմին» չէ։ Այս մասին հայտարարել է Մեծ Բրիտանիայի զինված ուժերի պաշտպանության շտաբի պետ, ծովակալ Թոնի Ռադակինը, փոխանցում է ՏԱՍՍ-ը։

«Մենք Ռուսաստանի հետ պատերազմի շեմին չենք։ Նրանք չեն պատրաստվում ներխուժել մեր տարածք։ Պաշտպանության նախարարությունում ոչ ոք չի խոսում պարտադիր զինվորական ծառայության մասին՝ բառի դասական իմաստով։ Մեծ Բրիտանիան ապահով է, քանի որ մենք ՆԱՏՕ-ի մի մասն ենք՝ աշխարհի ամենամեծ և ամենաուժեղ դաշինքի, և քանի որ մենք պատասխանատու միջուկային տերություն ենք»,- ասել է Ռադակինը:

Նա նշել է, որ Ռուսաստանի կողմից Բրիտանիային սպառնացող ռազմական վտանգի մասին հայտարարությունները ոչ այլ ինչ են, քան լրատվամիջոցների ամպագոռգոռ վերնագրեր։