Թավշյա հեղափոխության իրական շահառուները. Հայկ Ղալումյան

Շարունակելով ներկայացնել այն պաշտոնյաներին, ում սոցիալական և ֆինանսական դրությունը հեղափոխությունից հետո կտրուկ բարելավվել է, այսօր կանդրադառնանք Տավուշի մարզպետ Հայկ Ղալումյանին:

2019-ին ներկայացրած հայտարարագրում վերջինս նշել էր 1,742,627.00 դրամ կանխիկ գումար, 3,217,455.00 դրամի եկամուտ, 408,000.00 և 905,200.00 ՀՀ դրամի բաժնային արժեթղթեր, անհատական բնակելի տուն և հողամաս Իջևանում, ինչպես նաև MITSUBISHI մակնիշի ավտոմեքենա:

2020-ին Ղալումյանը ձեռք է բերել UAZ PATRIOT ավտոմեքենա, հայտարարագրել է 18,150,000.00 դրամի հանձնված և վերադարձված եկամուտ, եկամուտները կազմել են 4,085,418.00, 4,000,000.00, 18,240.00 և 74,994.00 դրամ:

2021-ին Ղալումյանը վաճառել է UAZ ավտոմեքենան և ձեռք է բերել  MITSUBISHI-ի: Նրա բանկային հաշիվների մնացորդները կազմել են 4,107,042.00 դրամ: Հաշվետու տարվա եկամուտները՝ 13,628,689.00 դրամ:

2023 թվականի մայիսի 30-ին ներկայացված 2022 թվականի տարեկան հայտարարագրի համաձայն՝ մարզպետը, բացի 2008 թվականին Իջևան քաղաքում որպես նվիրատվություն ստացած բնակարանն ու հողամասը և 2010 թվականին գնված արտադրական շինությունը, 2022 թվականի  փետրվարին Երևանի Դավթաշեն թաղամասում համատեղ սեփականության իրավունքով ձեռք է բերել բնակարան: Տվյալ տարում մարզպետն օտարել է Իջևան քաղաքում իր միանձնյա սեփականության իրավունքով բնակարանը. գույքի գինը՝ 13 միլիոն 100 հազար դրամ։  2022-ի տարեվերջում Ղալումյանն իր բանկային հաշվին ունեցել է 7 մլն 351 հազար դրամ, կանխիկ ձևով՝ 13 մլն 100 հազար դրամ և 15 հազար ԱՄՆ դոլար, որը տարեսկզբին կազմել է 5000 դոլար: Հաշվետու տարվա եկամուտներն ընդհանուր առմամբ կազմել են շուրջ  28 միլիոն 623 հազար դրամ, այդ թվում՝ գույքն օտարելուց ստացված 13 միլիոն 100 հազար դրամը, ՀՀ ֆինանսների նախարարությունից ստացված այլ եկամուտները՝ 1 միլիոն 606 հազարի չափով, աշխատանքի վարձատրությունը՝ «ՀՀ Տավուշի մարզպետարանի պետական կառավարչական հիմնարկ»-ից՝ 12 միլիոն 879 հազար 173 դրամի չափով, և 37 հազար դրամ շահաբաժին՝ «ՀայԷկոնոմբանկից»:

Այս թեմայով «Գլուխ գովել չլինի, հոտընկայս օվացիաների արժանացանք». Հայկ Պետրոսյանը՝ «Merci Charles» համերգի առաջին փուլի մասին Ոչ մի խաղաղության պայմանագիր ամբողջական խաղաղության հարց չի լուծում․ Վահե Ղալումյան Սաշիկ Սարգսյանի և Սուրիկ Խաչատրյանի որդիներն արդարացվել են. «Հրապարակ» «Հայկի զոհվելու օրվանից մինչ օրս հայրիկս տան դուռը կողպեքով չի փակում, կարծես սպասի, որ նա գալու է». Հայկ Թունյանն անմահացել է հոկտեմբերի 31-ին «Մարտունի 2»-ում. «Փաստ» Հրապարակում եմ գաղտնի տվյալ՝ 2013-2015 թթ-ին ՀՀ սահմաններն ընդլայնել ենք 500 քկմ-ով, արել ենք լուռ. Հայկ Մամիջանյան (տեսանյութ)