Մոսկվան հեռակա ձերբակալել է Ուկրաինայի նախկին դեսպանին

Մոսկվայի դատարանը հեռակա կալանավորել է Ղազախստանում Ուկրաինայի նախկին արտակարգ և լիազոր դեսպան Պյոտր Վրուբլևսկուն, ով, ըստ լրատվամիջոցների, նախկինում կոչ է արել հնարավորինս շատ ռուսների սպանել ամբողջ աշխարհում։ Այս մասին ՏԱՍՍ-ին հայտնել են իրավապահ մարմինները։

Դիվանագետի դեմ գործ է հարուցվել ատելություն կամ թշնամանք հրահրելու հոդվածով։

«Բանաձև է ընդունվել ուկրաինացի դիվանագետին դաշնային, ապա միջազգային հետախուզման մեջ մտցնելու մասին։ Բացի այդ, Մոսկվայի դատարանը բավարարել է Ուկրաինայի քաղաքացի Վրուբլևսկու նկատմամբ խափանման միջոց ընտրելու վերաբերյալ հետաքննության պահանջը»,- ասել է գործակալության զրուցակիցը։

Նա նաև պարզաբանել է, որ Վրուբլևսկու կալանքի երկամսյա ժամկետը կհաշվարկվի Ռուսաստանի տարածք արտահանձնելու կամ մեղադրյալին Ռուսաստանի Դաշնության տարածքում կալանավորելու պահից։