Կարմիր ծովում 4 ինտերնետ մալուխների վրա հուսիթներն են հարձակվել․ ԶԼՄ
Համաշխարհային Մամուլ
Հուսիթներն են կտրել Կարմիր ծովում գլոբալ ինտերնետի մալուխները: Այս մասին հայտնում է Sky News-ը։
Հուսիթներն իրենք հերքել են դա և ավելին՝ կատարվածի մեղքը բարդել են Մեծ Բրիտանիայի և ԱՄՆ-ի ռազմական գործողությունների վրա, սակայն դրա ապացույցները չեն ներկայացրել։
Անցյալ ամիս Եմենի կառավարությունը հայտնել էր հուսիթների կողմից մալուխները կտրելու պլանների մասին: Վնասի ծավալը կազմել է Կարմիր ծովով անցնող թրաֆիկի մոտ 25%-ը։
Ավելի վաղ հայտնել էինք, որ Կարմիր ծովում Եվրոպայի, Ասիայի և Աֆրիկայի միջև կապի չորս մալուխ է խափանվել:
«Կարմիր ծովում 15 մալուխներից 4-ը (Seacom, TGN, AAE-1, EIG) կտրված են, ինչը, մեր գնահատմամբ, ազդում է կապի համակարգերում տեղեկատվության հոսքի 25 տոկոսի վրա»,- ասվում էր HGC Global Communications Limited ընկերության տարածած հայտարարության մեջ:
Ամենադիտված 
Մնաս բարյավ. Րաֆֆի Հովհաննիսյան
