Սկանդալ Թուրքիայում. աշակերտները հայհոյական ժեստ են արել Աթաթուրքի լուսանկարին
Համաշխարհային Մամուլ
Թուրքական մեդիա տիրույթում լայնորեն շրջանառվում է մի լուսանկար, որում երևում է, թե ինչպես են մի խումբ աշակերտուհիներ անարգում են Թուրքիայի Հանրապետության հիմնադիր և առաջին նախագահ Մուստաֆա Քեմալ Աթաթուրքին, հաղորդում է Ermenihaber.am–ը։
Նրանք մասնավորապես դասասենյակի պատին կախված Աթաթուրքի նկարի ուղղությամբ պարզում են իրենց միջնամատը, որն աշխարհում ընդունված է որպես ժեստ-հայհոյանք:
Նշվում է, որ դեպքը տեղի է ունեցել Թուրքիայի դպրոցներից մեկում։ Այդ մասին հայտնել է թուրք օգտատերերից մեկը, ով համացացնում տարածել է միջադեպի լուսանկարը՝ գրելով․ «Ահա Թուրքիայում գտնվող դպրոցներից մեկը: Տեսե՛ք, թե ուր է հասել մեր կրթական համակարգը»:
Սակայն ավելի ուշ թուրքական որոշ լրատվականներ սկսեցին հակադարձել նման գրառումներին՝ պնդելով, որ տարածվող նկարը իրականության հետ կապ չունի և այն կեղծված է:
Այդ պնդումների համաձայն՝ նկարում պատկերված է եղել իրականում ոչ թե Աթաթուրքը, այլ Իրանի Իսլամական Հանրապետության հիմնադիր Այաթոլլա Խոմեյնին և Իրանի հոգևոր առաջնորդ Ալի Խամենեին:
Բացի այդ նշվել է, որ լուսանկարն արվել է 2022-ի փետրվարի 3-ին, իսկ նկարում պատկերված անձինք նման քայլի դիմել են՝ ի նշան Իրանի իշխանությունների պահպանողական քաղաքականության դեմ բողոքի:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
