Թավշյա հեղափոխության իրական շահառուները. Ռուբեն Ռուբինյան

Շարունակելով ներկայացնել այն պաշտոնյաներին, ում սոցիալական և ֆինանսական դրությունը էականորեն բարելավվել է հեղափոխությունից հետո, այսօր կանդրադառնանք Ռուբեն Ռուբինյանին:

Ուշագրավ է Ռուբեն Ռուբինյանի հայտարարագիրը: 2018-ին նա փոխարտգործնախարար էր ու շարժական, անշարժ գույք չուներ: 2 մլն դրամ աշխատավարձ էր ստացել ԱԳՆ-ից, 260 հազար դրամ էլ «Սիմոնյան կրթական հիմնադրամից»: Գրպանում, որպես կանխիկ գումար, ուներ 400 հազար դրամ:

Իսկ արդեն 2021 թվականի հայտարարագրով Ռուբինյանն ահագին հարստացել է. ԱԺ-ից 8 մլն դրամ աշխատավարձ է ստացել, 618 հազար դրամ աշխատավարձին հավասարեցված վճարումներ է ստացել ԱԺ-ից եւ դրան գումարած «Ինեկոբանկից» փոխառության դիմաց տոկոսներ՝ 426 հազար դրամ: Բայց սա ամենը չէ: 400 հազար դրամ ունեցող Ռուբինյանն արդեն ունի 16 մլն 350 հազար դրամ գումար կանխիկով:

Փոխելով զբաղեցրած պաշտոնը՝  արդեն ԱԺ փոխնախագահ, ՀՀ ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանը ներկայացրել է 2022 թվականի հայտարարագիրը։ Նա 2022 թվականի հաշվետու տարում հայտարարագրել է անհատական բնակելի տուն Երևան քաղաքում, որը 2021 թվականի հայտարարագրում ևս հայտարարագրված է: Հանձնված և վերադարձված փոխառությունները մնացել են հաստատուն, որոնք «Կանաչ Թաղ» ՍՊԸ-ից է: «Կանաչ Թաղ» ՍՊԸ-ն, ըստ Պետեկամուտների կոմիտեի, զբաղվում է սպասարկամբ և այլ ծառայությունների մատուցմամբ:

ԱԺ փոխնախագահի 2021 թվականի տարեվերջին հայտարարագրված դրամական միջոցները պահպանվել են է 2022 թվականի տարեսկզբի դրամական միջոցներում (8,271,921 դրամ), իսկ տարեվերջին դրանք աճել են 9 մլն 171 հազար ՀՀ դրամով՝դառնալով 17 մլն 443 հազար դրամ: