ԵՄ-ն, Նավալնիի մահվան պատճառով, նոր պատժամիջոցներ կսահմանի Ռուսաստանի դեմ

Եվրամիությունը նոր պատժամիջոցներ է պատրաստում Ռուսաստանի դեմ՝ քրեակատարողական գաղութում Ալեքսեյ Նավալնիի մահվան պատճառով։ Այս մասին հայտնում է Bloomberg-ը։

Պատժամիջոցների նախագծի համաձայն՝ այն ներառելու է 35 ֆիզիկական և երկու իրավաբանական անձ։ Նշվում է, որ նրանց թվում են պաշտոնյաներ, դատավորներ, գաղութների աշխատակիցներ։ Գործակալությունը անունների ցանկ չի ներկայացնում։

Փետրվարի 29-ին Politico-ն գրել էր, որ եվրոպական ութ երկրներ դիվանագիտական ​​ջանքեր են գործադրում, որպեսզի Եվրամիությունը նոր պատժամիջոցներ մշակի ռուս պաշտոնյաների դեմ։

Մարտի 1-ին Ավստրալիան հայտարարեց Ռուսաստանի դեմ նոր պատժամիջոցների մասին։

Մարտի 3-ին հայտնի դարձավ, որ Կանադան պատժամիջոցներ է սահմանել։