Թավշյա հեղափոխության իրական շահառուները. Հովիկ Աղազարյան

Շարունակելով ընթերցողների ուշադրությանը ներկայացնել այն պաշտոնյաներին, ում սոցիալական և ֆինանսական դրությունը կտրուկ բարելավվել է հեղափոխությունից հետո, այսօր կանդրադառնանք պատգամավոր Հովիկ Աղազարյանին:

Օրինակ՝ նրա դրամական միջոցների եւ ունեցվածքի վերաբերյալ 2018 թվականի տարեկան հայտարարագրում նշված է միայն աշխատավարձի վերաբերյալ տվյալ, որը կազմել է 7 մլն 791 հազար դրամ:

 2019 թվականի տարեկան հայտարարագրում նշված է, որ ունի հողամաս՝ Սուրենավան գյուղում: Հողամասը Աղազարյանը ձեռք է բերել 1994 թվականին: Բացի այս,  պատգամավորը ՀՀ առեւտրային բանկերից մեկից փոխառություն, վարկ է վերցրել՝ մոտ 7.5 մլն դրամի չափով: Իսկ կանխիկ դրամը կազմել է 4.5 մլն դրամ: ՀՀ ազգային ժողովից նա ամսական ստացել է 804 հազար դրամի չափով աշխատավարձ:

2020 թվականի տարեկան հայտարարագրում բնակարան եւ ավտոմեքենա ունենալու մասին տեղեկություն եւս չկա: Նա միայն հայտարարագրել է Արարատի մարզի Սուրենավան գյուղում ունեցած հողամասը: 2020 թվականին բանկից վերցրած փոխառությունները, վարկերը պահպանվել են: Դրանք երկուսն են՝ 1 մլն 51 հազար դրամ, 4 մլն 656 հազար դրամ: Կանխիկ դրամը 4 մլն դրամ է: Իսկ աշխատավարձը կազմել է ամսական 712 հազար դրամ: Հովիկ Աղազարյանի կնոջ՝ Մարգարիտ Աղազարյանի հայտարարագիրը դատարկ է. նա ո՛չ ավտոմեքենա ունի, ո՛չ տուն, ո՛չ հողամաս, ոչ էլ կանխիկ դրամ:

2021-ին Աղազարյանը ձեռք է բերել բնակարան Երևանի Արաբկիր թաղամասում, նրա հայտարարագրած կանխիկ գումարը կազմել է 1,000,000.00 դրամ: Եկամուտները՝ 8,026,040.00 դրամ: