Պուտինը մարտի 8-ի կապակցությամբ 52 կին դատապարտյալի ներում է շնորհել

Ռուսաստանի նախագահ Վլադիմիր Պուտինը հրամանագիր է ստորագրել 52 կանանց ներում շնորհելու մասին՝ ի պատիվ Կանանց միջազգային օրվա, որը նշվում է մարտի 8-ին։

Համապատասխան փաստաթուղթը հրապարակվել է Կրեմլի կայքում։

«Նախ ներում են շնորհվում անչափահաս երեխաներ ունեցող կանանց, հղիներին, ապա նաև այն կանանց, ում հարազատները մասնակցում են հատուկ ռազմական գործողությանը»,- ասված է հրամանագրում։

Հայտարարության մեջ ընդգծվում է, որ ՌԴ ղեկավարն իր որոշումը կայացնելիս առաջնորդվել է մարդասիրության սկզբունքով։