Ինչ հարցեր են քննարկել Էրդողանն ու Զելենսկին․ մանրամասներ (տեսանյութ)
ՏեսանյութերԹուրքիայի նախագահ Ռեջեփ Թայիփ Էրդողանը հայտարարել է, որ Անկարան պատրաստ է ընդունել Ուկրաինայի հարցով խաղաղության գագաթնաժողովը` Ռուսաստանի մասնակցությամբ։
«Մենք պատրաստ ենք խաղաղության գագաթնաժողով անցկացնել Ռուսաստանի մասնակցությամբ: Սևծովյան նախաձեռնությունը օգնեց կանխել համաշխարհային պարենային ճգնաժամը: Այդ համաձայնագիրը կրկին կնքվել էր այս դահլիճում: Մենք պատրաստ ենք հնարավոր բոլոր աջակցությունը ցուցաբերել նոր համաձայնագրին, ինչպես նախկինում»,– ասել է Թուրքիայի ղեկավարն ուրբաթ օրը Ստամբուլում Վլադիմիր Զելենսկու մասնակցությամբ մամուլի ասուլիսի ժամանակ։
Էրդողանը նշել է, որ Զելենսկու հետ քննարկել է «հացահատիկի գործարքը», ինչպես նաև Սև ծովում անվտանգության հարցը։
Զելենսկին իր հերթին դեմ է արտահայտվել Ռուսաստանի մասնակցությամբ խաղաղության գագաթնաժողովին։
«Մենք չենք հասկանում, թե ինչպես կարելի է հրավիրել մարդկանց, ովքեր ոչնչացնում են ամեն ինչ և սպանում բոլորին»,- ասել է Զելենսկին։
Զելենսկու խոսքով՝ Կիևը և Անկարան համաձայնություններ են ձեռք բերել կառավարության և ընկերությունների մակարդակով պաշտպանության ոլորտում համատեղ նախագծերի շուրջ։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
