Զելենսկին Ուկրաինայի վերաբերյալ Հռոմի պապ Ֆրանցիսկոսի հայտարարություններն անվանել է «վիրտուալ միջնորդություն»

Ուկրաինայի նախագահ Վոլոդիմիր Զելենսկին Հռոմի պապ Ֆրանցիսկոսի հայտարարությունը Կիևի` Ռուսաստանի հետ բանակցությունների մասին հեռավար «վիրտուալ միջբորդություն» է անվանել:

«Հոգևորականներն աջակցում են բոլորիս, նրանք մեզ աջակցում են աղոթքով, խոսքով և գործով: Ահա թե ինչ է եկեղեցին՝ լինել ժողովրդի կողքին: Եվ ոչ թե երկուսուկես հազար կիլոմետր հեռավորության վրա, ինչ-որ տեղ այնտեղ վիրտուալ միջնորդությամբ է զբաղվում նրանց միջև, ովքեր ցանկանում են ապրել և նրանց, ովքեր ցանկանում են ոչնչացնել ձեզ», - ասել է Զելենսկին:

Հիշեցնենք, որ ավելի վաղ Հռոմի պապը հարցազրույցում ասել էր, որ Կիևը պետք է «քաջություն ունենա բարձրացնելու սպիտակ դրոշը»։

«Երբ դուք տեսնում եք, որ դուք պարտված եք, որ ամեն ինչ լավ չի ընթանում, դուք պետք է համարձակություն ունենաք բանակցելու համար», - ասել էր Ֆրանցիսկոս պապը:

«Մեր դրոշը դեղին ու կապույտ է։ Սա այն դրոշն է, որի տակ մենք ապրում ենք, մեռնում և նվաճում։ «Մենք երբեք այլ դրոշներ չենք բարձրացնի»,- ասել է Ուկրաինայի արտաքին գործերի նախարար Դմիտրի Կուլեբան՝ ի պատասխան Հռոմի պապի խոսքերին։

Միևնույն ժամանակ,  նախարարը երախտագիտություն է հայտնել Հռոմի պապ Ֆրանցիսկոսին «խաղաղության համար մշտական ​​աղոթքների» համար՝ նշելով, որ Կիևը հուսով է, որ պոնտիֆիկոսը կայցելի Ուկրաինա։