Սիրիայում շարունակվում են սպանություններն ու բռնությունները, հակառակ Արաբական լիգայի դիտորդական առաքելության` Սիրիա ժամանելուն

Չնայած, որ այս պահին Սիրիայում են գտնվում Արաբական երկրների լիգայի դիտորդական խմբերը, որոնք ժամանել են այնտեղ իրավիճակն ուսումնասիրելու և ընդդիմության ու իշխանության միջև երկխոսություն կազմակերպելու համար, այնտեղ բռնությունները դեռևս շարունակվում են։ 

Ինչպես հաղորդում է BBC-ն, ըստ ականատեսների՝ նախօրեին ավելի քան 40 մարդ է սպանվել Սիրիայի անվտանգության ուժերի կողմից, այն հիմնական շրջաններում, որտեղ աշխատանքներ են իրականացնում դիտորդական խմբերը: Ընդդիմության ակտիվիստներն ուրբաթ օրը նույնպես պատրաստվում են զանգվածային բողոքի ցույցեր անցկացնել: 

Հիշեցնենք, որ ըստ ՄԱԿ-ի տվյալների վերջին տաս ամիսների ընթացքում Սիրիայում սպանվել է ավելի քան 5 հազ. քաղաքացի: