Ադրբեջանցիները քանդել են օկուպացված Ստեփանակերտի լուսատու խաչը

Ադրբեջանի պետական վարչակարգը շարունակում է ոչնչացնել բռնազավթված Արցախի քրիստոնեական ժառանգությունը։ Այս քաղաքականությամբ Ադրբեջանը ևս մեկ անգամ ապացուցում է, որ հանդիսանում է քաղաքակրություն կործանող արհեստածին պետություն։ Ահազանգում է Հայքի մշակույթի օմբուդսմենը։ 

2024 թ.-ի փետրվարի 11-ին Azertac պետական լրատվական գործակալությունը հրապարակեց հերթական տեսանյութը բռնազավթված Ստեփանակերտից։ Տեսանյութի ուսումնասիրությունից հստակորեն երևաց, որ ադրբեջանցի վանդալները քանդել են Ստեփանակերտի Աջափնյակ թաղամասում տեղադրված խաչը։

Արցախի բռնազավթումից ընդամենը մի քանի օր հետո ադրբեջանցիներն տապալել են Քարաշեն գյուղի (Դաշուշեն) մոտակայքում գտնվող բլուրներից մեկի վրա տեղադրված 50 մետրանոց լուսատու խաչը:

Ըստ «Զինված հակամարտությունների ժամանակ մշակութային արժեքների պաշտպանության մասին» 1954 թվականի Հաագայի կոնվենցիայի 4-րդ հոդվածի՝ արգելված է մշակութային ժառանգության հանդեպ վանդալիզմի, գողության, կողոպուտի, յուրացման, թշնամանքի և հաշվեհարդարի ցանկացած գործողություն։ Հաագայի 1954 թվականի առաջին արձանագրությունն արգելում է օկուպացված տարածքներում ոչնչացնել մշակութային կամ հոգևոր արժեքները։