Ֆինլանդիայի հետ սահմանին ռուսական զորքեր և խոցման համակարգեր կտեղակայվեն. Պուտին

Այն բանից հետո, երբ Ֆինլանդիան միանա ՆԱՏՕ-ին, ռուսական զորքերն ու խոցման համակարգերը կտեղակայվեն նրա սահմանների մոտ, հայտարարել է ՌԴ նախագահ Վլադիմիր Պուտինը, գրում է Regnum-ը։

Երկրի ղեկավարը հիշեցրել է, որ Մոսկվան և Հելսինկին նախկինում ունեցել են «ուղղակի իդեալական» հարաբերություններ, չկար որևէ պահանջ միմյանց նկատմամբ, հատկապես տարածքային, և առավել ևս՝ այլ ոլորտներում։

«Ինչո՞ւ նրանք դա արեցին։ Սա բացարձակապես անիմաստ քայլ է սեփական ազգային շահերի ապահովման տեսանկյունից»,- ասել է Պուտինը։

Ռուսաստանի ղեկավարը հավելել է, որ նախկինում երկու երկրների սահմաններին ռուսական զորքեր չեն եղել, «այժմ կլինեն», այնտեղ խոցման համակարգեր չեն եղել, «այժմ կլինեն»։