Պուտինն ընտրությունների նախօրեին տեսաուղերձ է հղել ռուսաստանցիներին
Ռուսաստան
ՌԴ նախագահ Վլադիմիր Պուտինը մարտի 15-17-ը կայանալիք նախագահական ընտրությունների նախօրեին տեսաուղերձ է հղել ռուսներին։ Պետության ղեկավարը կոչ է արել երկրի քաղաքացիներին մասնակցել քվեարկությանը։
«Անհրաժեշտ է հաստատել մեր միասնությունը և միասին առաջ գնալու վճռականությունը: Ձեր յուրաքանչյուր ձայն արժեքավոր և նշանակալից է: Ուստի ես ձեզ կոչ եմ անում օգտվել ձեր ձայնի իրավունքից առաջիկա երեք օրվա ընթացքում»,- ասել է Պուտինը:
Երկրի ղեկավարը հավելել է, որ ընտրատեղամասերը բաց են լինելու յուրաքանչյուր քաղաքում և գյուղում։
«Սիրելի բարեկամներ, մենք բոլորս՝ Ռուսաստանի բազմազգ ժողովուրդներս, մեկ մեծ ընտանիք ենք, անհանգստանում ենք, մտահոգվում ենք մեր հայրենի երկրի համար, ցանկանում ենք, որ այն լինի բարգավաճ, ուժեղ, ազատ, որպեսզի բարելավվի կյանքի որակը։ Այդպես էլ կլինի»,- վստահեցրել է ՌԴ նախագահը:
«Մենք ամեն ինչ կանենք ճիշտ այնպես, ինչպես ցանկանում ենք, ուստի խնդրում եմ ձեզ գալ ընտրությունների և արտահայտել ձեր քաղաքացիական ու հայրենասիրական դիրքորոշումը, քվեարկել ձեր ընտրած թեկնածուի օգտին, մեր սիրելի Ռուսաստանի հաջող ապագայի համար»,- ասել է Պուտինը։
Ամենադիտված 
Ինչու են այս տարի Հանրապետության հրապարակում ամանորյա ձևավորման աշխատանքները 2 ամիս շուտ սկսվել
