Պուտինից վախենալ պետք չէ, նրան պետք է հարգել և լսել. Պեսկով

ՌԴ նախագահի մամուլի քարտուղար Դմիտրի Պեսկովը Լիտվայի նախագահին խորհուրդ է տվել հարգել և լսել Ռուսաստանի ղեկավարին, գրում է ՏԱՍՍ-ը։

«Պուտինից վախենալ պետք չէ, Պուտինին պետք է հարգել և լսել»,- պատասխանել է Կրեմլի ներկայացուցիչը Բալթյան հանրապետության ղեկավար Գիտանաս Նաուսեդայի խոսքերին։ Լիտվայի նախագահը, իր երկրում Հակակոռուպցիոն հիմնադրամի նախկին ղեկավարի վրա հարձակումից հետո, հայտարարել էր. «Լիտվայում Պուտինից ոչ ոք չի վախենում»։

Պեսկովը չի մեկնաբանել բուն միջադեպը՝ բացատրելով, որ «խոսքը Լիտվայում տեղի ունեցած միջադեպի մասին է»։ «Մենք չենք կարող որևէ կերպ մեկնաբանել, թե ինչ է կատարվում Լիտվայում, մենք պետք է կապ հաստատենք Լիտվայի ներքին գործերի նախարարության և ոստիկանության հետ»,- նշել է Կրեմլի ներկայացուցիչը։