Շոլցը Taurus-ներն Ուկրաինային չփոխանցելու համար «գաղտնի պատճառներ» ունի. ԶԼՄ-ներ

Գերմանիայի կանցլեր Օլաֆ Շոլցը «գաղտնի պատճառներ» ունի Taurus հրթիռները Ուկրաինային փոխանցելուց հրաժարվելու համար, թեև նա հրապարակավ հայտարարում է, որ դա պայմանավորված է Ռուսաստանի հետ պատերազմին «գերմանացի զինվորներին ներգրավելու անհրաժեշտությամբ»։ Այս մասին հայտարարել է Գերմանիայի Բունդեսթագի պաշտպանության կոմիտեի ղեկավար Ալեքսանդր Մյուլլերը, փոխանցում է Euractiv-ը։

Հաղորդվում է, որ մարտի 13-ին կանցլերը ևս մեկ անգամ հավաստիացրել է Բունդեսթագի պատգամավորներին, որ որոշում չի կայացնի Taurus-ները Ուկրաինային փոխանցելու վերաբերյալ՝ ոչ ուղղակիորեն, ոչ էլ «շրջանաձև մատակարարումների» միջոցով։ «Սա սահման է, որը ես չեմ կարող անցնել»,- ասել է Շոլցը։
 
Մյուլլերն ասել է, որ մարտի 11-ին կայացած հանձնաժողովի փակ նիստի ժամանակ նա ստացել է «տեղեկատվություն այն մասին, թե ինչու է Շոլցն այդպես մտածում»:
 
«Կա մեկ կամ երկու բան, որոնք չեն կարող հրապարակայնորեն քննարկվել: Դրանք իրավացիորեն ստիպում են նրան վարանել», - ասել է Մյուլլերը:
 
Ի պաշտպանություն Մյուլերի խոսքերի՝ հրատարակությունը նշում է, որ մարտի 13-ին Բունդեսթագում ելույթի ժամանակ Շոլցը ընդդիմադիր պատգամավորներին մեղադրել է «Taurus-ի թեման գործարկելու» մեջ՝ չնայած այն բանին, որ նրանք «ամեն ինչ գիտեն» մերժման պատճառների մասին և օգտագործում են այն փաստը, որ այս «տեղեկատվությունը հրապարակային չէ»։