Ցանկանում եմ շնորհավորել Պուտինին ջախջախիչ հաղթանակի առթիվ. Միշելը ծաղրել է Պուտինին

Եվրոպական խորհրդի նախագահ Շառլ Միշելը ծաղրել է ՌԴ  նախագահ Վլադիմիր Պուտինին՝ նրան շնորհավորելով այսօր մեկնարկած նախագահական ընտրություններում հաղթանակի առթիվ: 

«Ցանկանում եմ շնորհավորել Վլադիմիր Պուտինին այսօր մեկնարկող ընտրություններում ջախջախիչ հաղթանակի կապակցությամբ։ Չկա ընդդիմություն, չկա ազատություն, չկա ընտրություն»,- X-ի իր միկրոբլոգում գրել է Միշելը:

Ինչպես հայտնել ենք, Ռուսաստանում այսօր մեկնարկել են եռօրյա նախագահական ընտրությունները։ Քվեարկությունը կտևի երեք օր՝ մարտի 15-17-ը։ Քվեարկության հիմնական օրը մարտի 17-ն է՝ կիրակի օրը։