Նեթանյահուն հավանություն է տվել Ռաֆահում ռազմական գործողության ծրագրին

Իսրայելի վարչապետ Բենիամին Նեթանյահուն հաստատել է Գազայի հատվածի Ռաֆահ քաղաքում ռազմական գործողության ծրագիրը։ Այս մասին հայտնում է Reuters-ը՝ վարչապետի գրասենյակին հղումով։

Հրատարակությունը նշում է, որ Իսրայելի պաշտպանության բանակը ներկայումս պատրաստվում է բնակեցված տարածքից տարհանել խաղաղ բնակիչներին։

Մինչ այս Նեթանյահուն հայտարարել էր, որ իսրայելական բանակը գործողություն է իրականացնելու Գազայի հատվածի հարավում՝ Ռաֆահում՝ չնայած միջազգային ճնշմանը։