Եգիպտոսում հայտնաբերվել է Ռամզես II փարավոնի արձանի վերին հատվածը

Եգիպտոսում հնագետների խումբը հայտնաբերել է Ռամսես II փարավոնի արձանի վերին հատվածը մայրաքաղաք Կահիրեից 250 կմ հարավում: Մասնագետները պատահաբար գտել են արձանի բեկորը՝ մոտ 3,8 մետր բարձրությամբ, Աշմունեյն բազիլիկ տաճարի վերականգնման ժամանակ: Այս մասին հայտնում է Եգիպտոսի զբոսաշրջության և հնությունների նախարարության պաշտոնական կայքը։

Ռամսես II-ի քանդակի ստորին հատվածը գտել է գերմանացի հնագետ Գյունտեր Ռոդերը դեռ 1930 թվականին։ Արձանի ընդհանուր բարձրությունը մոտ յոթ մետր է։

Արձանի վրա պատկերված է Ռամսես II փարավոնը, որը կրում է կրկնակի թագ և գլխազարդ՝ վրան թագավորական կոբրայով։ Հուշարձանի հակառակ կողմում քանդակված են փարավոնին փառաբանող հիերոգլիֆներ։