ԽԾԲ-ին յուղոտ պաշտոնների տեղավորած ՔՊ-ականները. Հասմիկ Հակոբյան

Տարիներ առաջ Փաշինյանը հայտարարում էր, որ պետք է փակել «խնամի-ծանոթ-բարեկամով» Հայաստանի էջը եւ բացել քաղաքացիական Հայաստանի էջը: Վստահեցնում էր, որ իր վարչապետության ժամանակ «խնամի-ծանոթ-բարեկամ» ինստիտուտը չի գործելու։

Բայց, արի ու տես, ինչպես մյուս դեպքերում, Նիկոլ Փաշինյանի իշխանությունը ոչ միայն չի կատարում իր խոստումը, այլ փաստացի հեղափոխական իշխանությունը «խնամի-ծանոթ-բարեկամ» խմբապետական Հայաստանի նոր էջ է բացել: Պարզվում է՝ ՔՊ խմբակցության պատգամավոր Հասմիկ Հակոբյանը, ով նախկինում ԱԺ նախագահի  օգնականի պաշտոնն էր զբաղեցնում, իր բարեկամներին ԱԺ-ում աշխատանքի է տեղավորում: Հակոբյանը պատգամավորի օգնականից պատգամավոր դառնալուց հետո հասցրել է հարազատ հորը՝ Արմեն Հակոբյանին, տեղավորել ԱԺ-ում աշխատանքի: Արմեն Հակոբյանը ԱԺ վարչատնտեսական վարչության ավտոտրանսպորտային բաժնում է աշխատում:

Պատգամավորը, սակայն, այսքանով չի սահմանափակվել: Հասմիկ Հակոբյանի քրոջ ամուսինը՝ Վարոն, եւս աշխատում է ԱԺ-ում:

ԱԺ աշխատակազմի ղեկավար նշանակված Դավիթ Առաքելյանն էլ Հասմիկ Հակոբյանի ընկերն է, որի մասին դեռ ամիսներ առաջ մամուլը գրել էր։

Մամուլը նաև գրել էր, որ Հակոբյանն իր ազգական Նինա Հակոբյանին աշխատանքի է տեղավորել ՀՀ Ազգային ժողովում՝ որպես գործավարուհի:  Իր աղջկա դասընկերուհու մորը եւ մյուս ծանոթին էլ տեղավորել է խորհրդարանի բուժկետում, եւ նրանցից մեկը բուժկետի բուժքույրն է՝ Լիլիթ Օհանյանը։