ԱՄՆ-ն և Թուրքիան հակառուսական պատժամիջոցների նոր համակարգ կգործարկեն
Համաշխարհային Մամուլ
ԱՄՆ-ն և Թուրքիան պայմանավորվել են, որ Վաշինգտոնը Անկարային կտեղեկացնի թուրքական ընկերությունների կողմից հակառուսական պատժամիջոցների խախտման կասկածների մասին՝ նախքան նրանց նկատմամբ սահմանափակումներ կիրառելը։ Այս մասին հայտում է Hürriyet թերթը։
«Վերջին շրջանում քննարկված և համաձայնեցված թեմաներից մեկը չափազանց կարևոր է Թուրքիայի համար։ Այն ընկերությունները, որոնք բիզնես ունեին կամ ենթադրաբար ունեին Ռուսաստանի հետ, անմիջապես պատժամիջոցների ենթարկվեցին ԱՄՆ-ի կողմից՝ առանց Թուրքիայի խնդրանքի կամ հետաքննության։ Դա հանգեցրել է տնտեսության մեջ տարբեր խնդիրների»,- գրել է հրատարակությունը։
Հոդվածի հեղինակ Հանդե Ֆըրաթը նշել է, որ երկրները համաձայնության են եկել նոր համակարգի շուրջ, որը կոչվում է «պատժամիջոցների համապատասխանության սխեմա», որի համաձայն Վաշինգտոնը նախ Անկարային կտեղեկացնի սահմանափակումները խախտելու մեջ կասկածվող ընկերությունների մասին և տեղեկատվություն կպահանջի դրա մասին։ Թերթի սյունակագիրը պարզաբանել է, որ սրանից հետո Թուրքիան հետաքննություն կանցկացնի և կհայտնի արդյունքները, որոնց հիման վրա անհրաժեշտության դեպքում միջոցներ կձեռնարկվեն։
Ամենադիտված 
Մնաս բարյավ. Րաֆֆի Հովհաննիսյան
