Ռուսաստանում պայմանագրային զինծառայողներին կազատեն քրեական պատժից

ՌԴ Պետդուման երրորդ ընթերցմամբ ընդունել է օրենք, որը սահմանում է դատապարտյալին քրեական պատժից ազատելու մեխանիզմ, երբ նա զինծառայության պայմանագիր է կնքում զորահավաքի, ռազմական դրության և պատերազմի ժամանակ: Այս մասին ասվում է Պետդումայի կայքում տեղադրված հաղորդագրության մեջ, փոխանցում է Gazeta-ն։

«Փոփոխությունները հնարավորություն են ընձեռում զինվորական պայմանագիր կնքել նրանց համար, ովքեր գտնվում են հետաքննության մեջ, դատարանում կամ ում նկատմամբ արդեն պատիժ է կայացվել»,- ասվում է տեքստում։

Փաստաթուղթը Քրեական օրենսգրքում և Քրեական դատավարության օրենսգրքերում սահմանում է թեթև կամ միջին ծանրության հանցագործություն կատարած անձանց պատասխանատվությունից ազատելու կարգը։ Մեխանիզմը չի տարածվի այն անձանց վրա, որոնց հանցագործությունները ներառում են մի շարք արարքներ։ Նրանք, ովքեր պայմանագիր են կնքել ՌԴ ՊՆ-ի հետ, կազատվեն քրեական պատասխանատվությունից, եթե կոչում ստանան հատուկ գործողության ընթացքում կամ ազատվեն ծառայությունից առողջության կամ տարիքի պատճառով։