Գերմանիան աջակցում է Պաղեստինի պետության ստեղծմանը, բայց մի կարևոր պայմանով

Պաղեստինը պետք է Իսրայելից զատ առանձին պետություն ունենա,  բայց առանց զինված ուժերի։ Սա էական քայլ կլիներ դեպի խաղաղություն։ Այս մասին հայտարարել է Գերմանիայի դաշնային կանցլեր Օլաֆ Շոլցը, փոխանցում է RIA Novosti-ն։

Գերմանիայի կանցլերը հավելել է, որ Բեռլինը, Բրյուսելը, Վաշինգտոնը և շատ այլ երկրներ ակտիվորեն առաջ են մղում այս տարածքում երկու պետությունների գաղափարը, քանի որ դա անհրաժեշտ է հակամարտությունը լուծելու համար։

«Իհարկե, բանակցությունների միջոցով։ Եվ պարզ է, որ խոսքը մի պետության մասին է, որը չի ունենա սեփական զինված ուժերը»,- ասում է Շոլցը։

Շոլցի խոսքով, Պաղեստինի ազգային վարչակազմում բարեփոխումների հրատապ անհրաժեշտություն կա՝ առնվազն 17 տարի այս կառույցի համար ընտրություններ չեն անցկացվել։