Մակրոնն Ուկրաինայի վերաբերյալ անսպասելի հայտարարություն է արել. Politico

Ֆրանսիայի նախագահ Էմանուել Մակրոնը կարծում է, որ Ուկրաինան շուտով կարող է պարտվել։ Այս մասին հայտնում է Politico թերթի եվրոպական խմբագրությունը՝ վկայակոչելով աղբյուրներին։

Նրա տեղեկություններով՝ նախօրեին Մակրոնը Ելիսեյան պալատում քաղաքական միջոցառում է անցկացրել, որի ժամանակ քննարկվել է նաեւ Եվրախորհրդարանում առաջիկա ընտրությունների հարցը։

«Ուկրաինան կարող է շատ արագ ընկնել»,- միջոցառման ժամանակ ասել է Մակրոնը։ Նախագահի խոսքերը հրապարակմանը փոխանցել է հանդիպման մասնակիցներից մեկը։