Նախնական տվյալներով՝ «Կրոկուս Սիթի Հոլլում» ավելի քան 60 մարդ է զոհվել

Նախնական տվյալներով՝ «Կրոկուս Սիթի Հոլլում» տեղի ունեցած ահաբեկչության հետևանքով՝ զոհվել է ավելի քան 60 մարդ։ Զոհերի թիվը կարող է աճել, հայտնում է ՌԴ Քննչական կոմիտեի Telegram ալիքը։

«Մահացածների մարմինները հետազոտվում են։ Հաստատվել է, որ ահաբեկչության հետևանքով՝ զոհվել է ավելի քան 60 մարդ։ Ցավոք, զոհերի թիվը կարող է աճել»,- ասված է հաղորդագրության մեջ։

Մարտի 22-ին ԶԼՄ-ները հայտնել են, որ «Կրոկուս Սիթի Հոլլում», որտեղ պետք է տեղի ունենար «Պիկնիկ» խմբի համերգը, կրակոցներ են հնչել։ Առնվազն երեք մարդ կրակ է բացել։ Հայտնի է նաև, որ շենքում պայթյուն է տեղի ունեցել, և հրդեհ է բռնկվել։ Առողջապահության նախարար Միխայիլ Մուրաշկոն հայտնել է, որ հոսպիտալացվել է 115 մարդ, որոնցից 5-ը երեխաներ են, 60-ը՝ մեծահասակ, մեկ երեխա՝ ծանր վիճակում է։ ՌԴ Քննչական կոմիտեն քրեական գործ է հարուցել «Ահաբեկչական ակտ» հոդվածով։