Ինչ զենքով են զինված եղել «Կրոկուս Սիթի Հոլլում» ահաբեկչություն իրականացրած անձինք

Մոսկվայում «Կրոկուս Սիթի Հոլլի» վրա գրոհած ահաբեկիչները, ըստ նախնական տեղեկությունների, զինված են եղել Vepr և Saiga որսորդական հրացանների տարբեր մոդիֆիկացիաներով՝ 12 մմ և 410 մմ տրամաչափով, հայտնում է SHOT-ը։

Այժմ համերգասրահի տարածքը շրջափակված է, և անվտանգության ուժերը դեպքի վայրում շարունակում են աշխատանքները։

Հաղորդվում է նաև, որ որոնվում է Տվերի մարզի պետհամարանիշներով սպիտակ Renault-ն, որով, ինչպես հայտնել ենք, փախել են «Կրոկուս Սիթի Հոլլում» տեղի ունեցած ահաբեկչությանը մասնակցության կասկածյալները։ Միևնույն ժամանակ, նշվում է, որ համարանիշները կարող են կեղծ լինել։