«Քարոզչի օգնականը» և «Աբդուլո տաքսին». ինչ է հայտնի ահաբեկիչների մասին

«ՌԻԱ Նովոստին»-ն հավաքել է «Կրոկուս Սիթի Հոլ»-ում ահաբեկիչների մասին ներկայումս հայտնի տեղեկությունները։ Հրապարակումը հրապարակվել է գործակալության տելեգրամյան ալիքում։

Ռուսերենի վատ տիրապետում. ձերբակալված բոլոր ահաբեկիչները կա՛մ դժվարությամբ են խոսում ռուսերեն, կա՛մ ձևացնում են, թե լեզուն չեն հասկանում: Նրանցից մեկը թարգմանչի միջոցով շփվում է բացառապես տաջիկերենով։

Ահաբեկչություն «փողի համար». ահաբեկիչների հետ շփումն իրականացվել է Telegram-ի միջոցով։ Ինչ-որ մեկը, ով չի հայտնել իր անունը, բայց ներկայացել է որպես «քարոզչի օգնական», կալանավորներին գումար է առաջարկել ահաբեկչություն իրականացնելու համար։ Գումարը սկզբում հայտարարվել է 500 հազար ռուբլի, սակայն ավելի ուշ ձերբակալվածը հայտարարել է, որ իրեն խոստացել են «մոտ մեկ միլիոն»:

«Քարոզիչը» և նրա ազդեցությունը. ահաբեկիչների կողմից հիշատակված քարոզչի անունը չի բացահայտվում։ Նրանցից մեկը խոստովանեց, որ լսելիս է եղել նրա «դասերն ու քարոզները»։

Թուրքիայի հետ կապ. ահաբեկիչներից մեկը վերադարձել է Թուրքիայից 2,5 շաբաթ առաջ։ Պարզ չէ՝ նա այնտեղ հանդիպել է «քարոզչի՞ն», թե՞ նրա մարդկանց։

Ահաբեկչության կազմակերպում. «քարոզչի օգնականն» ինքն է փոխանցել ահաբեկչության վայրի կոորդինատները։ Կազմակերպիչներն ահաբեկիչներին տրամադրել են զենք՝ Կալաշնիկով ինքնաձիգներ։

Նոր ծանոթություն. ահաբեկիչները միասին են ապրել Մոսկվայի հյուսիսում գտնվող հանրակացարանում, բայց մտերիմ ընկերներ չեն եղել։ Նրանցից առնվազն երկուսը հանդիպել են միայն «10-12 օր առաջ»։

«Աբդուլո տաքսի». մեքենան, որով ահաբեկիչները հասել են «Կրոկուս», այնուհետև դրանով փորձել են փախչել, ձեռք է բերվել ազգակցական կապով: Ձերբակալվածները հայտարարել են, որ ցանկանում էին «տաքսի աշխատել»։ Փախչելիս զենքերը դեն են նետել։

Անհասկանալի դրդապատճառներ. հարցաքննությունների դրվագներն ամբողջական պատկեր չեն ստեղծում: Ամբողջովին պարզ չէ, թե կոնկրետ ինչն է կապել այդ մարդկանց, ինչ շարժառիթներով են առաջնորդվել՝ կազմակերպելով Ռուսաստանի պատմության մեջ ամենաարյունալի ահաբեկչություններից մեկը։