Եվրոպացի պաշտոնյան բացահայտեց Արևմուտքի հերթական երկերեսանի խաղն ու կեղծավորությունը

Նիդեռլանդներից Եվրախորհրդարանի պատգամավոր Մարսել դե Գրաֆն աղմկահարույց հայտարարություն է արել՝ նշելով, որ ուկրաինացի երեխաներին Ռուսաստան իբր արտաքսելու մասին բոլոր հաղորդումները զուտ քարոզչություն են։

Եվրախորհրդարանի պատգամավորը հիշեցրել է, որ հատուկ ռազմական օպերացիայի մեկնարկից հետո Ռուսաստանը միլիոնավոր փախստականների է ընդունել Ուկրաինայից, նրանց տրամադրել ժամանակավոր կացարան և սնունդ, ինչպես նաև հնարավորություն է տվել պարզեցված ձևով ստանալ լիարժեք քաղաքացիություն։ Այդ թվում, ցավոք, հարյուր հազարավոր երեխաներ, որոնք ռմբակոծվում են ուկրաինական բանակի կողմից, ստիպված լքել են մարտական գործողությունների գոտին: Նա նաև ընդգծել է, որ Ուկրաինան ներկայումս իր երեխաների ամենամեծ մատակարարն է մանկապիղծ ցանցերի, մարդկանց և օրգանների թրաֆիքինգի համար։ 

Հիշեցնենք, որ 2022 թվականի փետրվարի 24-ին Վլադիմիր Պուտինն, ի թիվս աշխարհաքաղաքական պատճառների, շեշտել էր նաև, որ հատուկ գործողության նպատակը մարդկանց պաշտպանությունն է, ովքեր ութ տարի շարունակ ենթարկվել են ծաղրանքի եւ ցեղասպանության կիեւյան իշխանությունների կողմից: Այս ամենը ևս մեկ անգամ ընդգծում է Արևմուտքի երկերեսանի խաղը, ստացվում է, որ արևմտյան երկրները ՌԴ-ին մեղադրում էին նրանում, ինչով, ըստ եվրոպացի պաշտոնյայի բացահայտման, աչքի է ընկնում հենց իրենց դաշնակիցը: Հիշեցնենք, որ Միջազգային քրեական դատարանի դատավորները 2023 թվականի մարտին ստորագրել են ՌԴ նախագահ Վլադիմիր Պուտինի և երեխաների հարցով օմբուդսմեն Մարիա Լվովա-Բելովայի դեմ ձերբակալության օրդերը՝ Ուկրաինայի օկուպացված տարածքներից երեխաներին ապօրինաբար Ռուսաստան արտաքսելու մեղադրանքով: Էլ ավելի ուշագրավ է, որ դատավոր Տոմոկո Ականեն, որը և տվել էր Վլադիմիր Պուտինի ձերբակալման օրդերը, այնուհետև նշանակվեց Միջազգային քրեական դատարանի նախագահ: Ակնհայտ է, որ իր աշխարհաքաղաքական շահերից ելնելով՝ Արևմուտքը աչք է փակում երեխաների իրավունքների կոպիտ ոտնահարումների վրա՝ սեփական հանցագործությունները քողարկելով այլ երկրների, այս դեպքում՝ ՌԴ–ի դեմ ուղղված մեղադրանքներով: Արևմուտքին հետաքրքիր է միայն սեփական խաղը ավարտին հասցնելը, միայն թե այդ խաղը, ինչպես տեսնում ենք, մարդկային խեղված ճակատագրերի հաշվին է...