ԽԾԲ-ին յուղոտ պաշտոնների տեղավորած ՔՊ-ականները. Հովիկ Աղազարյան

Հանրային լայն շրջանակներում ակտիվորեն շրջանառվում է տեղեկությունն առ այն, որ «Քաղաքացիական պայմանագիր» խմբակցության պատգամավոր Հովիկ Աղազարյանի տիկինն աշխատանքի է անցել ԱԺ-ում: Նույն լուրերի համաձայն` ոչ ավել, ոչ պակաս, ցրիչի հաստիքով: Ինչ վերաբերվում է պատգամավորի կնոջ աշխատանքի անցնելուն, ապա «չար լեզուներն» ասում են, որ Աղազարյանի կինն ԱԺ-ում է հայտնվել ամուսնու ուղիղ միջամտությամբ: 

Սակայն, սա էլ դեռ ամենը չէ: ՔՊ-ական պատգամավոր Հովիկ Աղազարյանի որդին` Հովսեփ Աղազարյանը, սկզբում նշանակվել էր Աջափնյակ վարչական շրջանի ղեկավարի տեղակալի պաշտոնում, այնուհետև ազատվեց այդ պաշտոնից: Հովիկ Աղազարյանի նախկին փոխթաղապետ որդին պաշտոնի դադարեցման հայտարարագիրը ներկայացրեց օրերս` պահանջվող ժամկետից 2 ամիս ուշ։ Ի դեպ, կրտսեր Աղազարյանի ֆեյսբուքյան գլխավոր էջը, հեղափոխության առաջնորդի լուսանկարի փոխարեն, այժմ զարդարում է Մարկ Տվենի մի գրառում։ Ըստ երեւույթին, նրանք նեղացած են Նիկոլ Փաշինյանից, քանի որ որդին չնշանակվեց Նոր Նորքի թաղապետ, փոխարենն ազատվեց պաշտոնից, սակայն, անկասկած, ՔՊ–ի օրոք ծաղկող խնամի-ծանոթ-բարեկամ կապը չի թողնի «տաշած» իշխանավորը գետնին մնա։

Ոչ պակաս հաջողակ է նաև Աղազարյանի երկրորդ որդին: 2020 թվականին մամուլում հրապարակում եղավ, որ «Զվարթնոց» օդանավակայանի մաքսակետում աշխատանքի ընդունվելու համար 37 հոգի է դիմել, սակայն նրանցից ընտրվել է ԱԺ «Իմ քայլը» խմբակցության պատգամավոր Հովիկ Աղազարյանի որդին: Կարևոր է նշել նաև, որ մաքսատներից ամենաեկամտաբերը, որտեղ երիտասարդները ձգտում են աշխատանքի ընդունվել, Արևմտյան մաքսատուն-վարչությունն է համարվում, որը գտնվում է Զվարթնոց օդանավակայանում: Իսկ ահա, թե ինչպես է ինքը՝ Աղազարյանն, արձագանքել որդու նման անսպասելի հաջողությանը. «Ես չեմ կարող ասել 37 հոգու մասին, ճիշտն ասած, բայց կարող եմ ասել, որ իմ տղան ուներ համապատասխան կրթությունն ու մակարդակը այդ պաշտոնին անցնելու համար», - ասել է ՔՊ-ական պատգամավորը Աղազարյանը: