Հութիները Գազայի հատվածի էսկալացիայի մեկնարկից ի վեր՝ 38 ռազմածովային գործողություն են իրականացրել

Եմենի ապստամբ «Անսար Ալլահ» շարժումը (հութիներ) ընդհանուր առմամբ 38 ռազմական գործողություն է իրականացրել Կարմիր և Արաբական ծովերում, ինչպես նաև Հնդկական օվկիանոսում՝ պաղեստինաիսրայելական հակամարտության սրման սկզբից ի վեր։ Այս մասին հայտարարել է շարժման քաղբյուրոյի անդամ Մուհամմադ Ալի ալ Հութին։

«Նավատորմը և առափնյա պահպանությունը իրականացրել են 38 գործողություն, որոնք շատ կարևոր են եղել թշնամուն զսպելու համար», - նրա խոսքերը մեջբերում է Al Mayadeen հեռուստաալիքը:

Ալ-Հութիի խոսքով՝ հութիների հակաօդային պաշտպանության ուժերը հետ են մղել 4585 հարձակում, ինչի արդյունքում՝ 165 մարտական ​​ինքնաթիռ և հետախուզական անօդաչու թռչող սարք է կործանվել։