ԵԱՏՄ-ից եկող միլիարդավոր ներդրումներն ու ԵՄ-ից հնչող դատարկ խոստումները

2023 թվականի հունվար-հունիս ամիսներին ՀՀ-ում օտարերկրյա ուղղակի ներդրումների ծավալը կազմել է 77 686,9 միլիարդ դրամ։ Այս մասին տեղեկացնում է Վիճակագրական կոմիտեն։  ՀՀ-ում ուղղակի ներդրումներ իրականացրած երկրների ցանկն ուսումնասիրելիս տեսնում ենք, որ 2023-ի հունվար-հունիսին ՌԴ ուղղակի ներդրումները կազմել են 118 487․4 միլիարդ դրամ։ Ֆրանսիայի ուղղակի ներդրումները կազմել են  1 857․4 միլիարդ դրամ։  Լյուքսեմբուրգի ուղղակի ներդրումները  կազմել են 11 969․9 միլիարդ դրամ։ Արաբական Միացյալ  Էմիրությունների ուղղակի ներդրումները կազմել են 101 009.2 միլիարդ դրամ։  Վրաստանից ուղղակի ներդրումների ծավալը 2 605 միլիարդ դրամ է։ Միացյալ Նահանգների ուղղակի ներդրումնեը կազմել են  4 522,2  միլիարդ դրամ, Գերմանիայնը՝ 301,2 միլիոն դրամ։ Միջազգային կազմակերպությունները 2023-ի հունվար-հունիսին ՀՀ-ում կատարել են 805,8 միլիոն դրամի ուղղակի ներդրումներ։

Տնտեսության իրական հատվածում կատարված օտարերկրյա ուղղակի ներդրումների ծավալն, ըստ գործունեության տեսակների, հետևյալ տեսքն ունի։  Բուսաբուծության, անասնաբուծության, որսորդության և հարակից ծառայությունների ոլորտում ներդրվել է 157․4 միլիոն դրամ։ Ներդրումներ կատարած երկրներն են՝ Արգենտինան, Լիբանանը, ՌԴ-ն։ Մետաղական հանքաքարի արդյունահանման ոլորտում ուղղակի ներդրումները կազմել են 16 062,1 միլիարդ դրամ։  Այս ոլորտում ներդրումներ են կատարել Վիրջինյան կղզիները, Կիպրոսը, Վրաստանը, Նիդերլանդները, ՌԴ-ն։ Համակարգիչների, էլեկտրոնային և օպտիկական սարքերի արտադրության մեջ օտարերկրյա ուղղակի ներդումները կազմել են  41,5 միլիոն դրամ։ Ներդրում կատարող հիմնական երկիրը ՌԴ-ն է։  Մեքենաների և սարքավորանքի արտադրության բնագավառում օտարերկրյա ուղղակի ներդրումները կազմել են  1 401 միլիարդ դրամ։ Ոլորտում ներդրումներ են կատարել Գերմանիան, ՌԴ-ն։ Արտադրատեսակների արտադրության ոլորտում օտարերկրյա ուղղակի ներդրումները կազմել են 2 161 միլիարդ դրամ։ Ներդրումներ են կատարել Բելգիան և ՌԴ-ն։

2022թ ՀՀ տնտեսության իրական հատվածում օտարերկրյա ներդրումների զուտ հոսքերի ծավալը կազմել է 451․5 մլն դոլար։ ԵԱՏՄ երկրների կողմից օտարերկրյա ներդրումների զուտ հոսքերի ծավալը կազմել է շուրջ 364 մլն դոլար, գլխավորապես ՌԴ-ից են այդ ներդրումները։ Նույն ժամանակահատվածում օտարերկրյա ուղղակի ներդրումները կազմել են 417 մլն դոլար, որից ԵԱՏՄ երկրների կողմից օտարերկրյա ուղղակի ներդրումների զուտ հոսքերի ծավալը կազմել է 250 մլն դոլար։

Ակնհայտ է, որ Հայաստանի տնտեսությունը այսօր զարգանում է հիմնականում ԵԱՏՄ-ից և մասնավորապես՝ ՌԴ-ից եկող ներդրումների շնորհիվ, մինչդեռ ՀՀ իշխանությունները փորձում են համոզել, որ ԵՄ-ն շատ ավելի լայն է պատրաստ բացել քսակը և դեպի ԵՄ թեքվելու դեպքում մեզ ներդրումային բում է սպասվում: Ակնայտ է, որ այս խոստումը, մեղմ ասած, չափազանցված է, հիշեցնենք, որ ԵՄ կողմից դեռևս 2018-ին խոստացված 2,6 միլիարդ դոլար ներդրմանը սպասում ենք մինչ օրս...

Այս թեմայով «Լավ չի ավարտվի, եթե ՀՀ-ում ՀԱՊԿ-ի և ԵԱՏՄ-ի միջև սկսեն տարբերություն դնել». Զախարովա (տեսանյութ) «Լավ չի ավարտվի, եթե ՀՀ-ում ՀԱՊԿ-ի և ԵԱՏՄ-ի միջև սկսեն տարբերություն դնել». Զախարովա (տեսանյութ) «Լավ չի ավարտվի, եթե ՀՀ-ում ՀԱՊԿ-ի և ԵԱՏՄ-ի միջև սկսեն տարբերություն դնել». Զախարովա (տեսանյութ) Երևանում կբացվի Իրանի առևտրի կենտրոնը, որը կդառնա ԵԱՏՄ դարպասը. ԶԼՄ Երևանում կբացվի Իրանի առևտրի կենտրոնը, որը կդառնա ԵԱՏՄ դարպասը. ԶԼՄ