Հաշվին՝ 300 դոլար, փոքր բնակարան, ավտոմեքենան վաճառել է. Մոլդովայի նախագահի տարեկան հարկային հայտարարագիրը
Համաշխարհային Մամուլ
Մոլդովայի նախագահ Մայա Սանդուն ներկայացրել է իր տարեկան հարկային հայտարարագիրը, ըստ որի՝ նրա խնայողությունները գրեթե կրկնակի կրճատվել են՝ նախագահը վաճառել է իր ավտոմեքենան, իսկ նրա աշխատավարձը մի փոքր աճել է, փոխանցում է Moldovalibera-ն։
Ազգային ազնվության մարմնին ներկայացված ունեցվածքի և անձնական շահերի հայտարարագրի համաձայն՝ Մայա Սանդուն նախագահի պաշտոնում անցյալ տարի ստացել է 263,407 լեյ ընդհանուր աշխատավարձ, ինչը 4 հազարով ավելի է, քան նախորդ տարի։
Բացի այդ, «Աշխատանքից ստացված եկամուտ» անվանակարգում Մայա Սանդուն նշել է արտերկիր մեկնելու օրական նպաստը, որը կազմել է 95,289 լեյ: 2022 թվականի համեմատ սա գրեթե մեկ երրորդով աճել է, քանի որ նախորդ տարի այն կազմել է 62908 լեյ։
Նախագահը վաճառել է նաև 2007 թվականի Toyota RAV4 մակնիշի ավտոմեքենան, որը 2012 թվականին գնվել է 170 հազար լեյով։ Վաճառքի դիմաց նա ստացել է 8 հազար եվրո, որը համարժեք է 150 հազար լեյին։ Ներկայումս նա ոչ մի ավտոմեքենա չունի:
Ըստ գրանցված տվյալների՝ Մայա Սանդուն դեռևս ունի 74 քմ մակերեսով և 440114 լեյ արժողությամբ բնակարան, որը նա գնել է 2003 թվականին։ Բացի այդ, նա բանկային հաշիվ ունի Քիշնևում 6129 լեյով և բանկային ավանդ Վաշինգտոնի Bank-Fund Staff Federal Credit Union-ում՝ 300 դոլար հաշվեկշռով:
Ամենադիտված 
Մնաս բարյավ. Րաֆֆի Հովհաննիսյան
