Մոսկվան ուսումնասիրում է Բաքվի կողմից Ուկրաինային զենք մատակարարելու մասին տեղեկությունները. Զախարովա

Մոսկվան մանրամասն ուսումնասիրում է Բաքվի կողմից Ուկրաինային զենք մատակարարելու մասին տեղեկությունները։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Այդ հարցերը քննարկվում են նաև այն երկրների հետ, որոնց անունը հիշատակվում է։ Եթե հնարավոր չի լինում մեր տեսակետը տեղ հասցնել դիվանագիտական խողովակներով, ապա դա արվում է հրապարակայնորեն»,–ասել է ՌԴ ԱԳՆ պաշտոնական ներկայացուցիչը։

Նա նշել է, որ ՌԴ–ի համար զենքի մատակարարման թեման սկզբունքային է, քանի որ նման գործողությունները վտանգ են դառնում ՌԴ–ի և նրա քաղաքացիների համար։