ԼՂՀ «լուծարման» փաստաթուղթը միակ ճանապարհն էր՝ փրկելու իմ հայրենակիցներին. Շահրամանյան

«Ես հասկանում էի, որ ԼՂՀ «լուծարման» փաստաթուղթն անօրինական է, բայց սա միակ ճանապարհն էր՝ փրկելու իմ հայրենակիցներին»,-ֆրանսիական Le Figaro-ին տված հարցազրույցում ասել է օկուպացված Արցախի Հանրապետության նախագահ Սամվել Շահրամանյանը:

«Ուժերի անհավասարակշռության պատճառով մենք դիմադրություն ցույց տալու հնարավորություն չունեինք, դրա համար էլ շատ արագ կապ հաստատեցինք ադրբեջանցիների հետ, որպեսզի քաղաքացիական բնակչությունը հնարավորինս ազատ լինի մարտական գործողություններից։

Տասներկու ժամ տևած բանակցություններից հետո մենք վերջ դրեցինք մարտական գործողություններին։ Արդեն հաջորդ օրը Արցախի քաղաքացիները խնդրել են տարհանվել Հայաստան՝ վախենալով զավթիչների կողմից զանգվածային սպանություններից։ Այսպիսով, մենք սկսեցինք բանակցությունների երկրորդ փուլը, որպեսզի նրանց տարհանումը հնարավորինս սահուն անցնի»,-ասել է Շահրամանյանը։