Հունաստանում 5,7 բալ ուժգնությամբ երկրաշարժ է տեղի ունեցել

Հունաստանի հարավում՝ Արևմտյան Պելոպոնեսի ափերի մոտ, 5,7 բալ ուժգնությամբ երկրաշարժ է տեղի ունեցել։ Այս մասին հայտնում է Kathimerini հրատարակությունը։

Երկրաշարժը տեղի է ունեցել ուրբաթ առավոտյան՝ ժամը 09:12-ին։ Օջախը եղել է ծովի հատակին՝ Ստրոֆադես կղզիների մոտ, Պատրաս քաղաքից մոտ 120 կմ հարավ-հարավ-արևմուտք։

Ցնցումները զգացվել են Հունաստանի մայրաքաղաքում և Կրետե կղզու հարավում։

Երկրաշարժի հետևանքով ավերածությունների և զոհերի մասին տեղեկություններ չկան։