Զելենսկին կադրային ջարդ է սկսել

Ուկրաինայի նախագահ Վոլոդիմիր Զելենսկին շաբաթ օրը աշխատանքից ազատել է մի շարք խորհրդականների և օգնականների, այդ թվում՝ «Կվարտալ-95» ստուդիայի հիմնադիր և տնօրեն  Սերգեյ Շեֆիրին, գրում է ՌԻԱ Նովոստին։

«Շեֆիր Սերգեյ Նախմանովիչին ազատվել Ուկրաինայի նախագահի առաջին օգնականի պաշտոնից»,- ասված է Զելենսկու գրասենյակի կայքում հրապարակված հրամանագրում։

Զելենսկին աշխատանքից ազատել է նաև մի շարք խորհրդականների՝ Օլեգ Ուստենկոյին, Սերգեյ Տրոֆիմովին, Միխայիլ Ռադուցկիին, «Ուկրաինայի նախագահի՝ Ուկրաինայի պաշտպանների իրավունքների ապահովման հանձնակատար» Ալյոնա Վերբիցկայային և «Ուկրաինայի նախագահի կամավորական գործունեության հարցերով հանձնակատար» Նատալյա Պուշկարևային։

Բաց աղբյուրների համաձայն՝ Շեֆիրը զբաղեցրել է Զելենսկու առաջին օգնականի պաշտոնը 2019 թվականից։ Նա հեռուստասերիալների պրոդյուսեր է, «Կվարտալ-95» ստուդիայի տնօրենը, ում շնորհիվ Զելենսկին  ուղեգիր է ստացել դեպի մեծ քաղաքականություն։