«Ներիր ինձ՝ ինձ չմոռանալու համար»

Չնայած, որ վերջերս է լույս տեսել երիտասարդ գրող Աստղիկ Օհանյանի անգլալեզու վեպը՝ "Forgive me for not forgetting me" ("Ներիր ինձ՝ ինձ չմոռանալու համար")՝ այն արդեն հասցրել է սիրվել ընթերցողների կողմից: Գրողների միության կողմից հրատարակված գիրքը երիտասարդ գրողի առաջին մեծածավալ ստեղծագործությունն է:

Գիրքը երիտասարդ դաշնակահարուհի Էլիզաբեթի և նկարիչ Ալեքսի բուռն, գեղեցիկ ու խենթություններով լի սիրո մասին է: Աստղիկին հաջողվել է այնպես ներկայացնել այդ ամենը գրքում, որ ընթերցողին թվում է, թե հերոսների հետ միասին սիրահարվում ու հիասթափվում ես, տխրում, ուրախանում ու լաց լինում...

Նշենք, որ գիրքը գրված է մատչելի ու հեշտ ընթերցվող անգլերենով. այն օգտակար կլինի անգլերեն ուսումնասիրողների համար:

Նշենք, որ Աստղիկ Օհանյանը ծնվել է 1990թ. Վեդի քաղաքում: Ավարտելով Վալերի Բրյուսովի անվան Պետական Լեզվաբանական Համալսարանը, իր բարձրագույն կրթությունը ներկայումս շարունակում է Երևանի Պետական Համալսարանի Միջազգային Հարաբերություններ ֆակուլտետի մագիստրատուրայում:

Սրտանց բոլորին խորհուրդ ենք տալիս կարդալ այն: Հեղինակ՝ ընթերցող Լյուսի Մարգարյան։